நானென்ற மமதைக்கோர் குட்டுப் போடும்
ஆண்டவனை நாடியோட வைக்கும்
தன்னம்பிக்கைக்குத் தடைபோடும்
தைரியத்தைத் தட்டிக் கேட்கும்
துணைதேடி உடல் துடிக்கும்
அமைதி தேடி ஒதுங்க வைக்கும்
''ஆ’’வென்ற மொழியை நாவுக்குப் பழக்கமாக்கும்
வாழவேண்டுமெனும் ஆசையை அழிக்கும்
கூடவிருந்தே குழி பறிக்கும் - இந்நோய்
மனிதனுக்கோர் எச்சரிக்கை
விஞ்ஞானி மூளைக்கு எஜாமானி
வாழ்வின் தத்துவம் உணர்த்தும் ஞானி
வாழ்பவரை அணைப்பதே இதன் பாணி - இது
வாட்டாதவர் யாருமில்லை
வருந்தாதவர் எவருமில்லை
நோயே! உன்னையெண்ணி
நோவதைத் தவிர வேறு வழியில்லை.
02.02. 2011 முத்துக்கமலம் இணையத்தளத்தில் வெளியானது.
நோயைப் பற்றி ஒரு சத்தான
பதிலளிநீக்குஆரோக்கியமான கவிதை
எளிமையான வார்த்தைகளை மட்டுமே
பயன்படுத்தி மிக வனப்புமிக்க
கவிதையை படைத்துள்ளீர்கள்.
தொடர வாழ்த்துக்கள்