உனக்குள்ளே ஒரு மனிதன் - அவன்
அடிக்கடி விழித்தெழுவான்
தனக்காய் ஒரு நியாயங்காண – உன்
வனப்பையும் பெருக்கிடுவான்
பிணக்காய் வரும் செய்திகளெல்லாம்
உனக்காய்க் காட்டிடுவான் - நீ
உறங்கிடும் போதும் விழித்திடும் போதும்
உழுப்பியே வருத்திடுவான்
சிறப்பாய்த் தோன்றும் சிந்தனையாவும் - அவன்
சிதறடிக்கா விளைவுகளே
சிந்திக்கத் தெரிந்த மனிதனுக்கு
நித்தமும் அவன் துணைவருமே
உனக்காய் வாழ நினைத்திடும்போதும் – அவன்
உறவுகள் காட்டிடுவான்
ஓடியோடி உழைத்திடும் போதும்
உணர்வோடு ஒன்றிடுவான்
ஓய்ந்து போய் ஒதுங்கிய போதோர்
புதுவழி காட்டிடுவான் - நீ
ஓரிடத்தில் தரித்திடா தோடிடவே
உனக்குள் சேவைகள் செய்திடுவான்
தன்னை மீறிய நிம்மதிகாண – உன்னைத்
தனித்து விடுவதில்லை
உன்னை ஆள்பவனும் அவனே – உன்னை
ஆதரிப்பவனும் அவனே
எங்கே நிம்மதி எங்கேயென்று – நீ
தேடி அலைந்தாலும்
உன்னுள் இருப்பவன் உறங்கிடும் போதே
நிம்மதி கண்டிடுவாய் - நீ
நிம்மதி கண்டிடுவாய்
கருத்துகள் இல்லை:
கருத்துரையிடுக
வாருங்கள்! உங்கள் எண்ணங்களைப் பகிர்ந்து உதவுங்கள்.