களவினில் குற்றம் கலந்தது
கடிமணம் உலகினில் விதந்தது
உறவினில் கலங்கங்கள் புகுந்தது
உதவிட பிரிவுகள் எழுந்தது
இருமனம் இணைவதே திருமணம் - இதை
உணர்த்திட மார்பினில் மாங்கல்யம்
உணர்த்திடும் அவசியம் புரிந்ததால்
திருமணம் உலகினிலின் றவசியம்.
மனிதர்கள் மாண்புகள் உணர்ந்துவிட்டால்
மதமது சடங்கது தேவையில்லை
கலாசார பண்பாடு களத்திலில்லை
எழுதாத சட்டமது திருமணமும்
எழுதப்பட்ட சட்டமாய் தேவையில்லை.
குணமது தெரியணும் நெறியது புரியணும்
வளமது பெருகிட வாழ்வது சிறக்கணும்
பணமது நீக்கியே மனமது பார்க்கணும்
விதவைகள் திருமணம் விரும்பியே ஏற்கணும்
தெளிவிலா மனதுடன் திருமணம் வெறுக்கணும்
நாளைய உலகினை நாடிய வாழ்வினை
நாளுமே எண்ணியே வாழ்வினை நடத்தணும்
அன்புடன் துணையினை ஆதரவாய் நடத்தணும்
பிறரது வாழ்வது சிறந்திட திருமணவாழ்வும் சிறக்கணும்
ஒவ்வொரு வரியும் சிறப்பு... வாழ்த்துக்கள்...
பதிலளிநீக்குமங்கள நாண் பற்றிய அழகிய கவிதை சகோதரி....
பதிலளிநீக்குசிறக்கட்டும் அனைவரது திருமண வாழ்க்கையும்...
// மனிதர்கள் மாண்புகள் உணர்ந்துவிட்டால்
பதிலளிநீக்குமதமது சடங்கது தேவையில்லை
கலாசார பண்பாடு களத்திலில்லை
எழுதாத சட்டமது திருமணமும்
எழுதப்பட்ட சட்டமாய் தேவையில்லை.//
இரு மனம் சேர்ந்தால் திருமணம். காலச் சூழலுக்கேற்ற நல்ல கவிதை!
\\\பணமது நீக்கியே மனமது பார்க்கணும்
பதிலளிநீக்குவிதவைகள் திருமணம் விரும்பியே ஏற்கணும்///
புரட்சியான கருத்துகள்.
காலத்திற்கேற்ற வரிகள்.
அருமை
திருமணம் பற்றிய கவிதை அருமை
பதிலளிநீக்குஅழகான வரிகளுடன் அற்புதமான கவிதை. பாராட்டுக்கள். வாழ்த்துகள்.
பதிலளிநீக்கு