தைப்பொங்கலும் கவிப்பொங்கலும்

                                                                                                                         

பொங்கல் பானையிலே அரிசியிட்டு, நெய்யிட்டு

சக்கரையும் பயறும் அளந்தேயிட்டு

  பொங்கிய பொங்கலும் சுவையே 

மூளைப் பாத்திரத்தில் அறிவிட்டு, அணியிட்டு, 

அலங்காரமிட்டு கற்பனை அளந்தேயிட்டு 

  பொங்கிவந்த கவிவரிகளும் சுவையே 

பொங்கிய பொங்கலைப் படைத்த பாத்திரம் போல் - கவிப்

  பொங்கலைப் படைத்த இணையமும் சிறப்பே 

பொங்கலுண்டு சுவை இன்பம் பெற்று – மனப்

  பந்தலிலே இன்பச் சுவையுண்டாற் போல் - கவிப் 

பொங்கலுண்ட களிப்பினிலே கருத்தின்பம் பெற்று 

  அணிச்சுவையின்பம் கொள்வோம். 

ஓட்டைப் பானையிலே போட்ட பொங்கல் ஒட்டாது கொட்டும்- மன

ஓட்டப்பாத்திரத்தில் போட்ட அறிவும் ஒட்டாது கொட்டும் 

அறிவை மனப் பாத்திரத்தில் தேக்கி வைத்து 

அதன் பயனை அள்ள அள்ளக் குறையாது எடுத்தளிப்போம் 

பானைப் பொங்கல் அளவானது கொள்ளளவே கொட்டும் 

அறிவுப் பாத்திரப் பொங்கல் மேலானது.

கொட்டக் கொட்டக் குறையாதது.