ஆகாய அணைக்கட்டை
அடித்து உடைத்தது யார்?
அடைமழை பொழிகிறதே
அட்டகாசமாய் இடிஇடிக்கிறதே
வானப்பந்தலிலே வெள்ளிச் சிதறல்களை
மூட்டை கட்டிவிட்டது யார்?
முடிச்சவிழ்ந்து வெள்ளிக்கம்பிகளாய்
விரைகிறதே மண்ணோக்கி
வானத்து மழையை வரவேற்க
வண்ணமயில்கள் விரித்தன தோகை
அகவலில் ஆனந்தம்
ஓடையெங்கும் தவளைகளின் ஒய்யார ஓசை
சில்லூறுகளின் சிங்கார ஓசை
தத்தோம் தித்தோம் தகதோம்
தகரங்கள் எங்கும் தரிகிடத்தோம்
சளசள படபட கடகடவெனவே
சாரல்கள் எங்கும் கூடங்கள் தோறும்
விரியுங்கள் குடையை முதியவரே
விட்டுவிடுங்கள் இளையவரை
வானம் தெளிக்கும் பன்னீரால்
வாழ்த்துப்பெற வழிவிடுங்கள்.
அருமையாக முடித்தது மேலும் அருமை...
பதிலளிநீக்குவானம் தெளிக்கும் பன்னீரால்
பதிலளிநீக்குவாழ்த்துப்பெற வழிவிடுங்கள்
அழகாய் பொழிந்த மழைக் கவிதைக்கு வாழ்த்துகள்..
கோடை மழை அருமையாய்ப் பொழிந்தது.
பதிலளிநீக்குஇங்கு மழையோடு பனியுமல்லவா சேர்ந்தடிக்கிறது
நீக்குஅருமை அருமை
பதிலளிநீக்குநன்றி,நன்றி
நீக்கு////வானப்பந்தலிலே வெள்ளிச் சிதறல்களை
பதிலளிநீக்குமூட்டை கட்டிவிட்டது யார்?
முடிச்சவிழ்ந்து வெள்ளிக்கம்பிகளாய்
விரைகிறதே மண்ணோக்கி///
அழகு அழகு...
பூட்டி வைத்த வெள்ளிக் குமிழ்கள்
ஒருசேர்ந்து வெள்ளிக் கம்பிகளாய்
மின்னல் உருவில்...
உவமான மிக அருமை சகோதரி...
மழைக்கு நான் தந்த உவமையை விட மின்னலுக்கு உங்கள் உவமை குறைந்தது அல்ல . வாழ்த்துகள்
நீக்குமிகவும் அற்புதமான கவிதை.
பதிலளிநீக்கு//வானம் தெளிக்கும் பன்னீரால்
வாழ்த்துப்பெற வழிவிடுங்கள்.//
சிறப்பாக இருக்கு.